Man Utd ‘hawaelewi kuhama kwa wachezaji’

Rais wa kilabu ya Real Madrid amesema Manchester United hawana uzoefu kuhusu kuhama kwa wachezaji na ndiyo sababu uhamisho wa David De Gea ulitibuka.

 150904145218_david_de_gea_512x288_bbc_nocredit

Florentino Perez aligusia pia kushindwa kwa United kusajili Fabio Coentrao kutoka Real na Ander Herrera wa Athletic Bilbao siku ya mwisho ya kuhama wachezaji mwaka 2013.

Uhamisho wa De Gea ulitibuka kwa kuwa stakabadhi zake hazikuwasilishwa kwa wakati.

“Hawana uzoefu,” Perez aliambia redio ya Uhispania ya Cadena SER.

“Jambo sawa lilitendeka kwa Coentrao na Herrera.”

Real na United wamekuwa wakiwekeana lawama kwa kuchelewa kwa stakabadhi za kukamilisha uhamisho wa De Gea.

Kilabu hiyo ya Uhispania inasema ilifanya kila ililoweza kumsajili mlinda lango huyo wa miaka 24 kwa £29, lakini ikachelewa kwa dakika mbili.

United, waliotaka kumsajili Keylor Navas kama sehemu ya mkataba huo, nao walisema waliwasilisha stakabadhi zote dakika mbili kabla ya muda wa mwisho kupita.

Perez alisema Red Devils walikubali tu kumuuza kipa huyo saa 12 kabla ya soko la kuhama wachezaji kufungwa Uhispania, na kisha wakachukua saa nane kurejesha stakabadhi.

Rais huyo wa Real pia alidai United walikuwa wameonyesha ishara za kutaka kusajili mshambuliaji wa Wales Gareth Bale pamoja na Wafaransa Karim Benzema na Raphael Varane kutoka kwao.

150826203048_rooney_herrera_640x360_epa_nocredit

Makamu mwenyekiti mtendaji wa United Ed Woodward alishindwa kuwasajili Herrera na Coentrao majira ya joto ya 2013, wakati wake wa kwanza kuwa sokoni baada ya kuchukua pahala pa David Gill.

Iliripotiwa kwamba uhamisho wa Herrera ulivurugika baada ya matapeli, waliojidai kuwakilisha United, kufika afisi za wasimamizi wa ligi ya Uhispania. United waliambulia patupu kumchukua Coentrao baada yao kushindwa kukamilisha uhamisho wake kwa wakati.

Kiungo wa kati huyo Herrera, 26, hatimaye alihamia kilabu hiyo ya Ligi ya Premia Juni 2014.

Chanzo: bbcswahili.com

United wamesema watabadilisha sera yao ya uendeshaji shughuli sokoni na kuangazia zaidi wachezaji nyota siku za usoni.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s