Meneja wa Chelsea Jose Mourinho amedai mshambuliaji wake Diego Costa amekuwa akionewa na maafisa wasimamizi wa soka.

 150921142900_diego_costa_512x288_reuters

Akiongea na wanahabari kuhusu mechi ya leo kati ya kilabu yake na Porto ya Ureno katika Ligi ya Kilabu Bingwa Ulaya, Mourinho alisema kuna hamu kubwa ya kumsimamisha au kumpiga marufuku mchezaji huyo miongoni mwa waamuzi.

Costa alipigwa marufuku mechi tatu na Shirikisho la Soka la Uingereza baada ya kupatikana na hatia ya utovu wa nidhamu wakati wa mechi dhidi ya Arsenal ligi kuu.

Lakini yuko huru kucheza dhidi ya Porto leo kwani marufuku hiyo haigusi mechi za Ulaya.

Alipoulizwa iwapo angelipenda kuwa na wachezaji 11 walio kama Costa uwanjani, Mourinho alisema: “Tungeshindwa kila mechi, kwa sababu hamu ya kumpiga marufuku iko juu mno kiasi kwamba tungekosa wachezaji wa kuanza nao mechi.”

“Nina furaha tu kwamba kwa sasa nina mmoja tu na mwache acheze hadi waamue kumpiga marufuku tena.”

Costa amekosa mechi mbili Uingereza, na pia atakosa mechi ya wikendi dhidi ya Southampton.

Kwenye kikao hicho na wanahabari, Mourinho pia alionya wachezaji wake kwamba hakuna aliye salama iwapo kilabu hiyo itaendelea kuandikisha matokeo mabaya.

Mourinho amekuwa akimuweka benchi John Terry mechi mbili zilizopita za Ligi ya Premia, ihali Branislav Ivanovic na Cesc Fabregas pia wamekosolewa kutokana na uchezaji wao.

“Watu wasioguswa, ni uendelevu pekee unaoweza kukupa hadhi hiyo,” alisema Mourinho, ambaye vijana wake wamo nambari 14 ligini baada ya mechi saba kucheza.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s