Lamar Odom apatikana amezirai katika danguro

Aliyekuwa mchezaji wa mpira wa vikapu nchini Marekani Lamar Odom anatibiwa hospitalini baada ya kupatikana amezirai katika danguro mjini Nevada ,kulingana na mamlaka.

odom

Maafisa wa polisi waliitwa katika danguro la Love Ranch huko Crystal mjini Nevada baada ya kupatikana akiwa hana fahamu siku ya jumanne.

M’marekani huyo alibebwa na gari na kupelekwa hadi hospitalini kwa kuwa alikuwa mrefu mno kubebwa katika ndege.

Bwana Odom mwenye umri wa miaka 35 amezichezea Miami,Dallas na Los Angeles Lakers pamoja na Clippers.

Pia aliichezea Marekani katika michezo ya Olimpiki ya mwaka 2004 na kushinda medali ya shaba.

Ugonjwa wake haujulikani lakini wasamaria wema walituma ujumbe wao kwa mtandao wa twitter baada ya habari hizo kusambaa.

Familia ya Kardashians.Kushoto ni aliyekuwa mkewe Odom Khloe Kardashian
Familia ya Kardashians.Kushoto ni aliyekuwa mkewe Odom Khloe Kardashian

Bwana Odom ambaye alikuwa amemuoa nyota wa kipindi cha Keeping up with the Kardashians, Khloe Kardashian amekuwa mnywaji mkubwa wa pombe na dawa za kulevya.

Alihusishwa na kuendesha gari akiwa mlevi mwaka 2013 na kupigwa marufuku katika shirikisho la mchezo wa mpira wa vikapu nchini Marekani NBA kwa kukiuka sheria dhidi ya dawa za kulevya ya mwaka 2000.

Odom na Kardashian waliowana mwaka 2009 katika sherehe ambayo ilionyeshwa katika kipindi cha runinga ya Marekani E.

Walitalakiana mwaka 2013.Odom alishinda ubingwa wa NBA akiwa na klabu ya Lakers mwaka 2009 na 2010 na alitajwa kuwa mchezaji wa sita bora mwaka 2011.

Mara ya mwisho kucheza katika NBA ni mwaka 2013 alipokuwa akiichezea Clippers.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s